По настапите во Осака и Виена, истакнатите македонски оперски уметници АнаиИгорДурловски ќе го одбележат 25-годишниот јубилеј на уметничката сцена со свечен новогодишен концерт во Националната опера балет. Под диригентство на Ана Спасовска и во придружба на симфонискиоторкестар „Ајга“, концертот ќе донесе избор од најубавите македонски љубовни песни, во нови аранжмани на композиторот Сони Петровски.
Ана Дурловски
Ана Дурловски е сопран со блескава меѓународна кариера и настапи на најпрестижните европски и светски оперски сцени. Дипломирала на Факултетот за музичка уметност во Скопје, а потоа ја гради својата кариера во Германија, каде станува член на ансамблот на Штутгартската опера. Таа ја изведувала култната улога на Кралицата на ноќта од Моцартовата „Волшебна флејта“ повеќе од 250 пати, меѓу другото и на сцените на Виенската државна опера, Берлинската државна опера, Операта во Базел и Мајнц.
Настапувала под палка на големи диригенти како Николаус Харнонкурт, Манфред Хонек и Конрад Јунгхенел, а нејзините изведби се документирани за германската телевизија ZDF и радиото SWR. Добитничка е на бројни признанија, меѓу кои германската награда „Deutsche Schallplattenkritik Award“ за најдобра оперска изведба, а е и редовен гостин на оперските фестивали во Линц, Грац и Лајпциг.
Игор Дурловски
Игор Дурловски е бас, долгогодишен оперски солист со меѓународна репутација. Дипломирал на Факултетот за музичка уметност во Скопје, а својата кариера ја започнал во 1999 година со улогата на Колин во „Боеми“ на Пучини. Настапувал во повеќе европски земји, меѓу кои Италија, Германија, Австрија, Полска, Бугарија и Јапонија, со улоги како Мефистофел, Дон Базилио, Зарастро и Командаторот, со кои оставил силен впечаток кај критиката и публиката.
Покрај оперската, има богата концертна и камерна активност, со изведби на дела од македонски и светски автори. Добитник е на наградата „Георги Божиков“ за најуспешна изведба на дело од македонски композитор и на повеќе признанија за придонес кон културата и уметноста.
Билетите за новогодишниот концерт се достапни на билетарницата на Македонската опера и балет, во книжарниците Литература.МК и онлајн на www.mktickets.mk.
ПрославетејаљубовтаимузикатасоАнаиИгорДурловски.
Еден јубилеј, една вечер, една приказна – во знакот на македонската песна.
