Рускиот тенисер Даниил Медведев имаше интересен предлог за сите кои потенцијално би паднале на допинг тест.
Тенискиот свет зборува за случајот „Јаник Синер“, откако Италијанецот се спогоди со Светската антидопинг агенција (ВАДА).
Синер прифати тримесечна суспензија и ќе му се врати на тенисот на 4.мај.
„Се надевам дека отсега сите ќе можат да разговараат со ВАДА и ако тие кажат: „Ви најдовме ова, ќе бидат две години (суспензија)“, ќе одговорите: „Не, сакам еден месец“. Се надевам дека тоа ќе биде преседан. Во спротивно, ќе биде чудно“, рече Медведев.
Да потсетиме, Синер во март минатата година двапати беше позитивен на забранетата супстанца клостебол, но Меѓународната агенција за интегритет во тенис го ослободи од обвиненијата.
ВАДА ја обжали таа одлука пред Судот за спортска арбитража.
На резултатите на Синер е пронајдено многу мало количество клостебол, а контаминацијата наводно била предизвикана од крем за масажа.
🎙️ Daniil Medvedev sur l’accord trouvé entre Jannik Sinner et l’Agence mondiale antidopage pour une suspension de trois mois :
🗣️ « J’espère que tout le monde pourra discuter avec l’AMA et se défendre comme Jannik Sinner à partir de maintenant. » pic.twitter.com/GMZqWK9uBb
— Univers Tennis 🎾 (@UniversTennis) February 15, 2025
