Горивата од ноќеска на полноќ поскапуваат за 2 и за 2,5 денари по литар. Регулаторната комисија за енергетика ги донесе новите цени. Од полноќ цената на 95 октанскиот бензин се зголемува за 2 денари, додека на 98 октанскиот бензин и на дизелот за 2,5 денари за литар. Максималната цена за литар дизел изнесува 92 денари, на ЕУРОСУПЕР БС-95 е 87 денари, а на ЕУРОСУПЕР БС-98 е 89 денари. Горивата поскапуваат во просек за 1,84%- одлучи Регулаторна.
Од 19.5.2026 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95: 87,00 (денари/литар)
Моторен бензин ЕУРОСУПЕР БС – 98: 89,00 (денари/литар)
Дизел гориво ЕУРОДИЗЕЛ БС (Д-Е V): 92,00 (денари/литар)
Но, на овие цени не е пресметан попустот од Окта од два денари за бензините и три за дизелот. Па така на најголемиот дел бензиските, дизелот ќе се продава за 89 денари, 98 октанскиот бензин за 87 денари, а 95 октанскиот бензин за 85 денари за литар.
Од 19.5.2026 година од 00:01 часот цени на нафтените деривати со попустот од ОКТА ќе изнесуваат:
Моторен бензин ЕУРОСУПЕР БС – 95: 85,00 (денари/литар)
Моторен бензин ЕУРОСУПЕР БС – 98: 87,00 (денари/литар)
Дизел гориво ЕУРОДИЗЕЛ БС (Д-Е V): 89,00 (денари/литар)
Горивата поскапуваат и покрај владината одлука да ги продолжи мерките кои истекуваа денеска. Викендов на вонредна седница беше одлучено тие да важат до 1 јуни. Од Регулаторна соопштија дека во пресметката земени се во предвид намалениот износ на акцизите за 2 денари по литар кај дизелот и бензините и е вкалкулирано намаленото ДДВ за бензините на 10 проценти. Денеска истекува и попустот кој ОКТА им го даде на бензиските од 2 денари за бензините и 3 за дизелот. Но најавите од министерката за енергетика беа дека ќе се проговара да се продолжи и овој попуст. Цената на нафтата пак на светските берзи не се смирува. И денеска се продава по околу 110 долари за барел.
