Кошаркарите на Пелистер во одлична игра стигнаа до победата во дуелот со првакот МЗТ Скопје Аеродром со 85:74. Ова беше последниот дуел од 4.коло од ТОП 6 фазата од Супер лигата. Со победата Пелистер остана на третата позиција на табелата, а МЗТ Скопје А. На втората што значи дека овие два тима најверојатно ќе играат и во полуфиналето од плеј офот.
Лидер на табелата остана екипата на ТФТ со 48 бодови.
Клучна за победата беше втората четвртина која битолчани ја добија со 28:16 и воедно направија резултатски пресврт, а предноста потоа ја одржуваа до самиот крај.
Кевин Дејвис од Пелистер со 18 поени и 7 скокови беше најдобриот поединец кај гостите, а Андреј Митревски постигна 17. Во редовите на шампиони Мек Смит-Меквен реализираше 19 поени кај поразениот тим.
Во последното коло (пред плеј офот) МЗТ Скопје А. Гостува кај Маџари, а Пелистер е домаќин на Тиквеш ГИ.
