26-годишен маж вчера е уапсен во центарот на Атина за силување на жена минатата недела на плажа во Лаврио, во југоисточна Атика, соопшти грчката полиција, а пренесува „Катимерини“.
Според пријавата поднесена минатата недела, 50-годишната жена била на плажа кога странецот ѝ се приближил, ја зграпчил за вратот и ја силувал. Лекарот од судска медицина кој ја прегледал по нападот, пронашол гребнатини на нејзиниот врат и лице и докази кои укажуваат на силување.
Полицијата соопшти дека отпечатоци од прсти од осомничениот биле пронајдени на нејзиниот мобилен телефон, кој напаѓачот го зел од нејзината рака кога таа се обидела да повика помош, а подоцна го фрлил на блиска локација. Полицајците го пронашле телефонот и го идентификувале напаѓачот како веќе осудуван сексуален престапник и разбојник.
