Претседателот на СДСМ, Венко Филипче ја обвинува власта за манипулација на граѓаните, посочувајќи го и последниот случај со Муцунски и неговата колешка од Бугарија, Велислава Петрова Чамова.
Филипче вели дека Муцунски прво криел дека имал средба со неа, а потоа кога се дознало рекол дека тоа било само размена на неколку зборови. Лидерот на СДСМ вели дека најважно во целата оваа ситуација е пораката на министерката на Бугарија, која на средбата со Муцунски рекла дека проблемот кој што го имаме и внесувањето на Бугарите во Уставот не е билатерално, туку европско прашање.
„Јас сум на страната на европска Македонија и на страна на вистинските интереси на граѓаните. А, вистинските интереси на граѓаните се да се продолжат реформите и да се отворат преговорите со ЕУ. Нема друг пат напред за државата. Како тоа се постигнува? Се постигнува со тоа што ќе се направат уставните измени. И кога велиме дека граѓаните беа изманипулирани, тоа и анкетите го потврдуваат, иако 80 проценти од граѓаните се за ЕУ, многу мал процент се за внесување на Бугарите во Уставот. Зошто кога тоа не е никаков ризик? Зошто кога тоа никако не го загрозува нашиот македонски идентитет. Тоа само беше дел од лажната кампања на ВМРО-ДПМНЕ“, изјави Филипче.
