Претседателот на Стопанската комора на Македонија, Бранко Азески и советникот на претседателот на Комората за економски развој и инфраструктура, д-р Јелисавета Георгиева Јовевска, во Кавадарци остварија работна средба и воедно му го честитаа новиот мандат на градоначалникот д-р Митко Јанчев.
На средбата претседателот Азески подвлече дека, Стопанската комора на Македонија со градоначалникот Јанчев во претходните негови мандати како и пред да стане градоначалник, како генерален менаџер на Кожувчанка Кавадарци и како претседател на Регионалната комора во Квадарци, имаше одлична соработка, а ја истакна и заложбата дека во следниот период ќе следи уште поголемо вмрежување и активности во насока на создавање моќно партнерство од значење за бизнис заедницата.
Д-р Јанчев како активен поддржувач и промотор на македонската економија и во овој мандат ќе ја добие целосната поддршка од Стопанската комора на Македонија, институција во која тој активно е вклучен повеќе од 20 години.
Претседателот Азески му ја врачи наградата на д-р Јанчев за најгледан поткаст како гостин во првата сезона на “Бизнис Клуб” со Бранко Азески.
