Телевизијата „Ал Арабија“ објави дека нацрт-договорот за прекин на војната помеѓу САД и Иран, постигнат со посредство на Пакистан, ќе биде објавен во следните неколку часа.
Според телевизијата, со нацрт-договорот се предвидува итен, сеопфатен и безусловен прекин на огнот на сите фронтови – копнен, морски и воздушен. Договорот исто така вклучува заедничка обврска да не се таргетира воена, цивилна или економска инфраструктура, да се суспендираат сите воени операции и да се запре медиумската војна.
Договорот предвидува САД и Иран да се обврзат да ги почитуваат суверенитетот и територијалниот интегритет на другиот и да не се мешаат во внатрешните работи на другата држава, како и слободна пловидба во Персискиот Залив, Ормуската Теснина и Оманскиот Залив.
Нацрт-договорот предвидува и воспоставување заеднички механизам за следење на спроведувањето и решавање на споровите, а преговорите за преостанатите отворени прашања ќе почнат во рок од една недела
