Малопродажните цени на бензините на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) се зголемуваат за 2,00 ден/лит, малопродажната цена на Екстра лесното масло за домаќинство на (ЕЛ-1) се зголемува за 1,50 ден/лит, а малопродажната цена на Мазутот М-1 НС се зголемува за 0,375 ден/кг и сега ќе изнесува 37,155 ден/кг, соопшти Регулаторната комисија за енергетика.
Од ноќеска на полноќ ЕУРОСУПЕР БС – 95 ќе се продава по 73,50 денари за литар, ЕУРОСУПЕР БС – 98 75,50 денари за литар, ЕУРОДИЗЕЛ БС (Д-Е V) за 66,00 денари за литар,а маслото за горење Екстра лесно 1 (ЕЛ-1) 65,50 денари за литар.
Од РКЕ напоменуваат дека ова се максималните цени на нафтените деривати од 00:01 часот на 23.4.2025 година.
Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.
