Во споредба со буџетите и играчкиот кадар на Сити, Атлетико или Интер, Норвежаните се аутсајдери во секоја смисла. Но, она што им недостасува во пари, го надоместуваат со организација, храброст и тактичка дисциплина. Клуб кој доаѓа од место поблиску до Арктичкиот круг отколку до европските метрополи уште еднаш покажува дека фудбалот не е исклучиво игра за богатите. Ако се исклучи рускиот голман Никита Хаикин, против Интер имаше само Норвежани во жолтиот дрес, вкупно 14 од нив (со измени), од кои Фредерик Сјевелд е најдобро котираниот на пазарот со осум милиони евра. Патем, резервниот голман на Интер, Јосеп Мартинез (девет милиони) вреди повеќе од него.
