Украинската воено-разузнавачка служба (ГУР) објави дека украинските сили успешно собориле руски борбен авион „Сухој Су-30“ со ракета испалена од поморски дрон – прв ваков случај забележан досега во светската воена историја.
Според соопштението на ГУР објавено на социјалните мрежи, операцијата ја извела специјалната разузнавачка единица „Група 13“, а нападот се случил во петокот, над водите во близина на Новоросијск – клучен руски пристанишен град на брегот на Црното Море.
„За првпат во историјата, борбен авион е соборен со ракета лансирана од поморско беспилотно летало“, соопшти ГУР, пренесе агенцијата Reuters.
Со оглед на технолошката и бројчена надмоќ на руските сили, Украина сè почесто се потпира на иновативни средства во војувањето, вклучувајќи беспилотни летала – и воздушни и морски – како дел од стратегијата за асиметричен одговор.
Овој успешен удар не само што претставува значаен воен потег, туку е и силен сигнал за потенцијалот на поморските дронови во современото војување
❗️🇺🇦⚔️🇷🇺 – According to Rybar, a Russian Su-30 fighter jet was shot down by an anti-aircraft missile launched from a Ukrainian drone boat on May 2, 2025, near Novorossiysk in the Black Sea.
If confirmed, this marks the first recorded instance of a fighter jet being downed by a… pic.twitter.com/Js7oTWAszH
— 🔥🗞The Informant (@theinformant_x) May 3, 2025
