Украинскиот претседател Володимир Зеленски планира да и понуди на Русија директна размена на територија за да се стави крај на тригодишната војна, доколку претседателот на Соединетите Американски Држави Доналд Трамп успее да ги доведе двете земји на преговарачка маса.
„Ќе размениме една територија за друга“, рече Зеленски во интервју за „Гардијан“ објавено во вторникот, сугерирајќи дека Киев би можел да отстапи дел од регионот Курск, кој го освои за време на ненадејната августовска офанзива на руска територија.
На прашањето кои територии окупирани од Русија ќе ги бара Украина за возврат, Зеленски одби да прецизира:
„Не знам, ќе видиме. Но, сите наши територии се важни, нема приоритети“, пишува Политико.
Трамп постојано изјави дека планира наскоро да стави крај на руската војна против Украина и тврди дека веќе постигнал одреден напредок во разговорите со претседателот Владимир Путин.
Според Трамп, рускиот лидер „сака војната да заврши и луѓето да престанат да умираат“, но неговиот тим признава дека двете страни ќе мора да жртвуваат нешто за да дојде мир.
Во меѓувреме, Русија изврши неколку масовни напади со беспилотни летала врз украинската енергетска инфраструктура, продолжува да напредува во регионот Доњецк на истокот на земјата и не покажува волја за преговори.
„Во регионот Курск, неонацистите кои дејствуваат таму… контролираат област широка приближно два метри и длабока еден и пол метри“, напиша Марија Захарова, портпаролка на руското Министерство за надворешни работи.
Руските сили минатата година зазедоа дополнителни 3.600 квадр.атни километри украинска територија и сега контролираат околу 20 отсто од земјата. Спротивно на тоа, украинските војници држат околу 500 квадратни километри во западниот дел на Курската област во Русија.
