Кандидатот за градоначлник за општина Ѓорче Петров, Костадин Ацевски после катастрофалниот пораз на овие локални избори поднесе неотповиклива оставка од претседател на општинската организација на СДСМ во Ѓорче Петров, притоа појаснувајќи го тоа како морален чин на одговорнос поради лошот резултат, а според него истото треба да го направат и Венко Филипче и целото раководство на СДСМ.
-Изборите завршија, време е да се понесе одговорност. Иако се вложив целосно, без калкулаци и без да се штедам, сепак резултатот е лош. Поднесувам неотповиклива оставка претседател на општинската организација како чин на објективна и морална одговорност за лошите резултати на локалните избори, вели во своето видео обраќање Ацевски .
Според Ацевски оставка треба да си поднесе и претседателот Венко Филипче како и целото раководство на партијата.
-Верувам дека е исправно и потребно, оставка да поднесат и претседателот Венко Филипче и целото раководство на СДСМ. Не само заради лошите резултати, туку и заради начинот на дејствување на СДСМ во изминатиот период. СДСМ е преголема идеја за да остане непретпознатлива. СДСМ мора да биде силна опозиција и силен коректор на оваа лоша власт. И покрај оставката останувам член на СДСМ, целосно посветен на борбата за подобро Ѓорче, подобро Скопје и подобра Македонија, додава Ацевски.
