На социјалните мрежи се појави видео од сообраќајна несреќа во Белград во која возач на автомобил удрил полицаец на мотор.
Инцидентот се случил кога автомобил скршнал преку полна линија и директно го зафатил полицаецот кој се движел на мотор. Полицискиот службеник, според снимката, претекнувал без вклучени ротациони светла и возел во спротивна насока, при што се забил во возилото што нагло излегло пред него.
Снимката предизвика поделени реакции кај јавноста. Некои корисници тврдат дека возачот на автомобилот е виновен затоа што неговата маневра довела до сударот, додека други посочуваат дека и полицаецот ги прекршил сообраќајните правила.
„Ова е класичен пример кога и двата учесника во сообраќајот не ги почитуваат прописи,“ коментираат дел од граѓаните, а имаше и саркастични реакции дека станува збор за „природна селекција“.
Белградската полиција засега не излегла со официјални информации околу деталите од несреќата.
