Светски познатите паради со кои што започнува карневалот стартуваа вчера вечер на Самбадромот во Рио де Жанеиро.
Неколку училишта за самба кои се натпреваруваа за промоција во елитната класа маршираа на нивните шарени платформи.
Прво настапило училиштето Ботафого кое преку претстава ја раскажувало својата историја. Училиштето е основано во 1894 година како веслачки клуб во истоимената населба. Градоначалникот Едуардо Паес официјално ја отвори церемонијата со предавање на клучевите од градот на кралот Момо, карневалската маскота.
Годинава, 12-те најдобри училишта за прв пат ќе настапат во три дена – во недела, понеделник и вторник. Ова не само што ќе им овозможи на гледачите подолго да уживаат во спектаклот, туку и на училиштата ќе им овозможи повеќе да настапуваат.
Десетици илјади гледачи на трибините, како и милиони пред телевизорите во Бразил и ширум светот, секоја година ги гледаат парадите на огромната писта дизајнирана од познатиот архитект Оскар Нимаер во 1984 година. Карневалот во Рио се смета за најголемата прослава во светот. Градските власти очекуваат осум милиони посетители и финансиски обрт до милијарда долари.
