Британските медиуми пренесуваат дека локалната полиција на Есекс е сè уште на местото на настанот.
Полицијата соопшти дека била предупредена за авион долг 12 метри што се запалил на локација во Саутенд-он-Си непосредно пред 16 часот по локално време, јави Би-Би-Си.
Сè уште не е познато колку луѓе имало во авионот, пишува Мирор.
Според извештаите, авионот се урнал за време на полетувањето.
Очевидци изјавија дека по инцидентот, кој се случил попладнево на аеродромот, виделе „огромна огнена топка“ и црн чад над аеродромот Саутенд, 56 километри источно од Лондон.
Службата за брза помош на Источна Англија соопшти дека испратила четири амбулантни возила и други возила за да реагираат.
„Можеме да потврдиме дека попладнево дојде до сериозен инцидент со авион на општата авијација на аеродромот во Лондон Саутенд“, изјави портпарол на аеродромот.
На веб-страницата на аеродромот е објавено дека пет меѓународни летови се откажани по несреќата.
🚨 BREAKING: First Footage of Southend LONDON Plane Crash Emerges#planecrash #london #aeronews https://t.co/lLK3cN0KEX pic.twitter.com/8v6g5IvmDM
— World Updates (@Updatesofwworld) July 13, 2025
