Вардар со победата над Струга (0-1) во претпоследното 33. коло го обезбеди трофејот во овогодинешната сезона во ПМФЛ. По средбата имаа клупски ручек за прослава, но на него освен вардаровите песни, имаше и навредливи кон ривалска Битола.
Поради ова, очекувано имаше доста негативни коментари и осуда на контото на најтрофејниот македонски клуб. Навивачите на Пелистер и битолчани беа најгласни, ама реакции имаше и од целокупната јавност.
var-pro https://t.co/OzAYk2dTez
— Strana (@stranamk20) May 16, 2026
Фудбалската федерација на Македонија (ФФМ) изрази осуда за навредливото и недолично однесување на ФК Вардар при прославата на победата и обезбедувањето на титулата шампион на Македонија.
Особено е неприфатлива потребата да се повикуваат навредливи содржини и да се пее вулгарни и навредливи текстови при прославувањето на победата. Ваквото однесување е недолично без разлика кон кого е насочено, без разлика дали станува збор за јавни личности, за навивачи на другиот тим, за фудбалери или за кој било друг, велат од ФФМ.
Ривалитетот меѓу екипите е посакуван и здрав само кога е достоинствен и исполнет со меѓусебна почит, а секаква форма на говор на омраза, навреди и неспортско однесување нема место во фудбалот.
ФФМ, како и во претходните ситуации кога беа казнувани екипите на ФК Тиквеш, ФК Осогово, ФК Вардар и други, ќе постапува согласно своите пропозиции и дисциплинските правилници.
По овој повод, Дисциплинскиот инспектор при ФФМ веднаш ќе отвори постапка против клубот во врска со последните случувања.
И Министерот за Спорт на Република Македонија, Борко Ристовски ги осуди последните настапи на ФК Вардар при прославата на шампионската титула.
