Илјадници семејства се обидуваат да избегаат од Газа додека израелската војска спроведува копнена операција како дел од нејзината голема офанзива насочена кон освојување на градот.
Лина ал-Магреби, 32-годишна мајка на три деца од населбата Шеик Радван, за Би-Би-Си изјави дека се спротивставила на напуштањето на домот – и покрај опасноста – сè додека не добила телефонски повик од израелски офицер со кој ѝ наредил да се евакуира.
Many Palestinians are defying Hamas and heeding the IDF’s evacuation orders, leaving Gaza City despite the group’s calls to stay. pic.twitter.com/iIEPRQlifB
— Open Source Intel (@Osint613) September 14, 2025„Бев принудена да го продадам мојот накит за да ги покријам трошоците за преселба и купување шатор“, рече таа.
„Ни требаа десет часа за да стигнеме до Кан Јунис, а за возењето плативме 3.500 шекели (847 евра). Редот од автомобили и камиони изгледаше бесконечен.“
Израелскиот премиер Бенјамин Нетанјаху изјави дека е започната „силна операција“ во градот Газа, кој го опиша како последно големо упориште на Хамас.
Израелската војска го означи крајбрежниот пат Ал-Рашид како единствен дозволен пат за евакуација на цивилите. Многумина опишуваат големи сообраќајни метежи, бескрајни редици автомобили и камиони и долги чекања, бидејќи семејствата се заробени на патиштата.
Операцијата предизвика широка меѓународна осуда, вклучително и од генералниот секретар на ОН за човекови права и од германскиот министер за надворешни работи.
Британската министерка за надворешни работи Ивет Купер ја нарече офанзивата „целосно неодговорна и ужасна“, истакнувајќи дека таа „ќе донесе повеќе крв, ќе убие повеќе невини цивили и ќе ги загрози преостанатите заложници“.
🇵🇸 Thousands of families are forced to flee in #Gaza under fire, leaving behind destroyed homes and shattered dreams. pic.twitter.com/Iz6p7GHDU4
— Ahmed Nawaz (@AhmedNawaz1003) September 16, 2025
