Вистинска паника и вознемиреност настанале на плажа во Грција откако ајкула долга околу 2,5 метри била забележана во непосредна близина на брегот.
Необичниот инцидент се случил на плажата Лутра Орајас Еленис во Коринт, каде капачите и жителите останале во шок кога големото морско животно се појавило во плитките води.
Според информациите на локалниот портал, ајкулата се движела на многу мало растојание од плажата, што веднаш предизвикало страв и големо внимание кај луѓето кои во тој момент биле покрај морето.
Очевидци велат дека ваква сцена досега не била видена во овој дел од Грција, а дел од присутните веднаш ги извадиле мобилните телефони и почнале да го снимаат необичниот момент.
Според првичните информации, станува збор за ајкула долга околу 2,5 метри, а токму нејзината големина дополнително ја зголемила загриженоста кај капачите и локалното население.
Засега нема информации за повредени лица или опасни ситуации, но видеото од ајкулата брзо почнало да се шири на социјалните мрежи и предизвика бројни реакции кај туристите кои летуваат во Грција.
Инцидентот повторно ја отвори темата за појавата на морски предатори во делови од Медитеранот, иако експертите често посочуваат дека ваквите средби се ретки и најчесто не завршуваат со инциденти.
