Повторно имаше насилни протести во Албанија. Повредени се тројца полицајци и еден демонстрант.
Албанската полиција употреби водени топови и солзавец за да ги растера антивладините демонстранти пред парламентот, кои вечерва фрлаа јајца и брашно врз полицајците и некои пратеници.
Во Тирана повеќе од еден месец се одржуваат протести поради наводна корупција поврзана со разни развојни проекти по должината на брегот и во близина на заштитените подрачја. Владата пак негира корупција.
Она што почна како протест против луксузното одморалиште на зетот на американскиот претседател Доналд Трамп, Џаред Кушнер, се прошири на други проекти планирани по должината на брегот. За во сабота е закажан нов протест.
