Фотографиите од поранешниот премиер Џастин Трудо и поп-пејачката Кејти Пери на јахта вчера станаа вирални.
Сите светски медиуми пишуваа за овој (не)промислен потег на новопечените љубовници, а некои медиуми го окарактеризираа нивното излевање на нежност како скандал.
Поранешната сопруга на Трудо, Софи Грегоар, сега објави и нтересна порака на Инстаграм за љубовта.
Katy Perry and Justin Trudeau Seen Passionately Kissing on a Yacht https://t.co/D8Opa8JJlj
— ELLE Magazine (US) (@ELLEmagazine) October 13, 2025
„Понекогаш забораваме дека ништо што сакаме не е предодредено да остане со нас засекогаш. Луѓе, места, дури и моменти што некогаш изгледаа бесконечни, нели? Времето бара од нас да не се држиме за нив, но сепак го правиме тоа. Го правам тоа затоа што „држењето“ е побезбедно за мене отколку пуштањето“, започна таа во видео што го сподели на социјалните мрежи.
View this post on Instagram
Но, љубовта никогаш не била за поседување, туку за присуство. Станува збор за сегашниот момент и кога ќе се ослободиме од она што не можеме да го задржиме, создаваме простор за вистинска поврзаност, интимност, спомени, за лекција. Една насмевка може да одекнува во текот на целиот живот, а тагата исто така живее таму. Го загубив татко ми минатата година и чувствувам дека со тагата доаѓа и благодат“, рече таа во остатокот од видеото, пред да заклучи:
„Значи, можеби најдлабоката лекција за љубовта е оваа: да се стои со отворено срце пред лицето на минливоста. Да се почитува она што било и да се верува дека пуштањето е исто така форма на држење во нас, каде што никаква загуба не може да го избрише.“
Софи и Џастин беа во брак 18 години и имаат три деца – синовите Ксавиер и Адриен и ќерката Ела-Грејс. Двојката се разведе во 2023 година, а се чини дека Трудо продолжил понатаму со познатата пејачка.
