Турскиот пејач Волкан Конак почина на 58-годишна возраст, откако му се слошило среде концерт на Кипар.
Според пишувањата на медиумите, пејачот едноставно колабирал на сцената.
Лекарите веднаш му пружиле помош, по што бил префрлен во болница, но немало шанси да се спаси. Набрзо бил прогласен за мртов.
Неговите последни снимки почнале да кружат на музичката платформа Јутјуб и социјалните мрежи.
Можете да видите како тој колабирал на сцената, по што паѓа и останува да лежи неподвижен. Концертот на Кипар веднаш бил прекинат, а луѓето веднаш притрчале на помош.
