Косовската полиција потврди дека доцна синоќа во Качаник, мал град во југоисточниот дел на Косово во близина на границата со Македонија, бил убиен локален полициски началник.
Убиството на Мухамет Љика, како што се сомнева, се случило околу 23.00 часот, кога тој влегувал во својот стан. Засега нема информации ниту за сторителот, ниту за мотивите на убиството.
Тој бил пренесен во Медицинскиот центар Качаник, но им подлегнал на повредите.
Канун Весељи, портпарол на полицијата за регионот Урошевац, за „Коха“ изјавил дека на местото на настанот пристигнале екипи и дека се уште не се познати околностите за инцидентот.
За сите полициски дејствија биле известени обвинителот и Полицискиот инспекторат на Косово.
„На местото на настанот пристигнаа регионални истражители и форензичари кои ќе ги извршат потребните испитувања. Причините за овој инцидент се уште не се познати“, рекол Весељи.
