Во април 2025 година, цените на горивата значително варираат низ целиот свет, како одраз на економските, политичките и географските специфичности на одделни земји.
На врвот на листата на најскапо гориво е Хонг Конг, каде што граѓаните плаќаат 3,46 евра по литар (околу 215 денари). Високите цени се должат на високите даноци и трошоците за увоз на гориво. Следува Исланд, каде што горивото се продава по цена од 2,35 евра по литар, а после нив Данска (2,21), Холандија (2,20), Лихтенштајн (2,14). Ова е цена за ЕУРОСУПЕР 95.
Од друга страна, најевтиното гориво е достапно во земјите богати со нафта, каде што владите често ги субвенционираат цените за да го поддржат своето население. Во Либија е најевтиното гориво ЕУРОСУПЕР 95 октани, и чини само 0,027 евра (1,7 денари) по литар. Многу блиску до нив е Иран каде чини 0,029 евра, додека во Венецуела литар бензин чини 0,035 евра.
Во Македонија цената на горивата е:
ЕУРОСУПЕР 95 – 71,5 ден./литар
ЕУРОСУПЕР 98+ – 73,5 ден./литар
ЕУРОДИЗЕЛ: 64,0 ден./литар
