По неколку недели предупредувања дека Чикаго би можел да биде следниот град во САД што ќе ја види Националната гарда како патролира по улиците, локалните лидери се подготвуваат – од гувернер кој се подготвува за судска битка до организатори на паради кои одложуваат настани – иако сè уште не е јасно дали воопшто ќе бидат испратени војници.
Претседателот Доналд Трамп на социјалните мрежи објави дека Чикаго „наскоро ќе открие зошто Пентагон сега е преименуван во Министерство за војна, објави CNN.
„Го обожавам мирисот на депортации наутро… Чикаго наскоро ќе открие зошто се вика Министерство за војна, се вели во објавата. Во петокот, Трамп потпиша извршна наредба со која Пентагон се преименува во „Воен оддел“.
Гувернерот на Илиноис, демократот Џ.Б. Прицкер, во саботата изјави дека најавата на Трамп е „ненормална“.
„Планот на претседателот Трамп не е само лоша стратегија, туку е и нелегален“, рече главниот обвинител на Илиноис, Кваме Раул, за очекуваното распоредување на Националната гарда.
„Претседателот на Соединетите Американски Држави се заканува со војна на еден американски град. Ова не е шега. Ова не е нормално“, напиша гувернерот Прикер, на платформата X.
„Доналд Трамп не е силен лидер, тој е исплашен човек. Илиноис нема да подлегне на заплашување од страна на обид за диктатор“.
Острата изјава доаѓа во време кога Доналд Трамп ја засили својата реторика против Чикаго, третиот по големина град во САД.
Според претходните извештаи на CNN, администрацијата на Трамп планира голема имиграциска операција во Чикаго, за која локалните власти предупредија дека може да започне уште во петок.
