Само денес собравме над 10 тони отпад (50м3) кои завршија во „Дрисла“, информираше вчера градоначалникот на Општина Аеродром, Дејан Митески.
„Ова не е еднократна акција – ова е наша секојдневна работа. Нашите општински служби се на терен, додека Градското комунално претпријатие кое треба да ја изврши оваа работа, е неажурно и немо. Доста е! Граѓаните плаќаат за чиста и уредна средина, а не за депонии и ѓубришта. Никој нема право да го загрозува нашето здравје и иднината на нашите деца, истакна Митески.
Тој додаде дека денеска ќе продолжат уште поинтензивно.
„Ако нема веднаш реакција од ЈП Комунална хигиена, како градоначалник ќе поднесам кривична пријава за загрозување на животната средина согласно член 218 од Кривичниот законик, и секојдневно ќе барам постапување од Обвинителството и МВР. Ова не е политика – ова е прашање на достоинство, здравје и иднина, порача Митески.
