Граѓани од цела Македонија, здружени преку иницијативи како Спас за Дошница, Зелена народна стража и Changemakers4all, започнаа целосна блокада за пристапот за сите возила и институции поврзани со изградбата на хидроелектраната, објави Радиомоф.мк
„Нема да има пристап кон планината – ниту нагоре, ниту надолу. Оваа акција е граѓанска иницијатива и израз на наше човеково право на одбрана на природата, водата, животот“, посочуваат здружените граѓани.
Тие нагласија дека не станува збор за политички, туку за животен отпор против уништување што се спроведува зад затворени врати и со игнорирање на гласот на народот.
„Дошница не ја даваме! Ни за пари, ни за профит. Ги повикуваме сите совесни граѓани, активисти, планинари, љубители на природата и медиумите да ни се приклучат и да го пренесат гласот на реката!“, соопштија здружените граѓани.
Инаку, блокадата почна пред 10-ина денови, а воедно имаше и простест за да се крене грасот за Дошница и против двете хидроцентрали.
Целиот текст на Радиомоф.мк
