Министерството за финансии на САД објави на социјалната платформа „Икс“ дека аквизицијата странските подружници на „Лукоил“ од страна на „Гунвор Груп“ нема да добие одобрение за лиценцирање. Потоа од швајцарската компанија формално го повлекоа својот предлог за купување на меѓународните средства на рускиот нафтен гигант „Лукоил“.
Во изјавата на Министерството за финансии се наведува намерата на администрацијата да го прекине финансирањето на војната на Русија преку нејзиниот енергетски сектор, нарекувајќи го Гунвор „марионета на Кремљ“.
– Претседателот Доналд Трамп јасно стави до знаење дека војната мора веднаш да заврши. Додека рускиот претседател Владимир Путин продолжува со бесмислените убиства, марионетата на Кремљ, „Гунвор“, никогаш нема да добие лиценца за работа и профит – напиша на официјалниот профил на Министерството за финансии на САД на „Икс“ платформата
Одлуката сигнализира значителна ескалација на западната контрола врз трансакциите што вклучуваат руски енергетски фирми и, барем засега, ги уништи амбициите на „Гунвор“ да ги зголеми своите операции за преработка и производство.
Од „Лукоил“ на 30 октомври 2025 година обзнанија дека ја понудата од „Гунвор“ да ја купи неговата подружница во странство „Лукоил Интернешнл“ која поседува широко портфолио на средства во повеќе од 30 земји – вклучувајќи рафинерии во Бугарија и Романија, нафтени полиња во Казахстан, Узбекистан, Ирак и Мексико и малопродажна мрежа за гориво што се протега од Северна Америка до Европа.
Претходно извршниот директор на групацијата „Гунвор“, Торбјорн Торнквист изјави дека и да бидат укинати санкциите кон „Лукоил“, нема да ѝ бидат вратени парите од продажбата на странските подружници на руската нафтената компанија. Тој истакна дека западните регулатори немаат причина да се грижат, додека во САД сè уште размислуваа дали да ја одобрат трансакцијата.
– Ова е јасен прекин. Кога договорот ќе стапи на сила, тој е конечен. Им даваме гаранции дека ова нема да се случи – рече Торнквист.
Пропаѓањето на договорот за „Лукоил“ значи дека остава неговите меѓународни средства во лимбо состојба. Тие средства беа отуѓени како одговор на санкциите, а неуспехот да се заврши продажбата покренува прашања за нивното идно сопствеништво.
– Иако Гунвор официјално го повлече својот предлог, изјавата остави отворена можност за повторно разгледување на прашањето доколку се појави регулаторна јасност. Ја поздравуваме можноста да се осигураме дека ова јасно недоразбирање ќе биде исправено – истакнаа од компанијата.
