Данската ракометна репрезентација е европски шампион во ракомет. Во финалето одиграно во Хернинг, Данска, ја победи Германија со резултат 34:27 и по трет пат стана европски шампион. Најдобри стрелци за победниците на турнирот беа Симон Питлик со осум и Јохан Хансен и Матијас Гидсел со по седум гола, додека најефикасни за Германија беа Јоханес Гола, Јури Кнор и Марко Гргиќ со по пет гола.
Од самиот почеток, Данска изгледаше како тим кој е еден чекор пред Германија, но никогаш не успеа да се одвои од значајна предност. На почетокот се истакна и германскиот голман, Андреас Волф, кој направи неколку важни одбрани. Данците, од друга страна, не можеа премногу да сметаат на Емил Нилсен, кој не бранеше на своето вообичаено ниво, па затоа влезе Кевин Молер и направи неколку важни одбрани.
Германија водеше во неколку наврати, но доживеа сериозен пад на средината од полувремето кога нивниот најдобар дефанзивец Том Кислер беше исклучен поради груб фаул врз Гидсел, удирајќи го во лицето и завршувајќи го неговиот настап на турнирот.
Натпреварот беше гол за гол, динамичен ракомет, двата тима играа со високо темпо, а Данска не успеа да се одвои, влегувајќи на полувреме со само два гола предност. На почетокот на второто полувреме, голманите на двата тима одлично се покажаа. И Молер и Волф направија клучни одбрани за да го одржат резултатот ист, а Данска најчесто имаше водство од еден или два гола.
