Здравствената состојба на српскиот министер за внатрешни работи, Ивица Дачиќ, значително се подобрува. По неколкудневна борба со тешка пневмонија, Дачиќ вчера бил исклучен од апаратите за вештачка вентилација и сега дише самостојно.
Претседателот на Србија, Александар Вучиќ, заедно со министерот за здравство Златибор Лончар, го посетија Дачиќ на Клиниката за пулмологија во Клиничкиот центар на Србија за да се уверат во неговото закрепнување.
Министерот Лончар потврди дека има причина за оптимизам, но нагласи дека лекувањето продолжува со полн интензитет. „Здравствената состојба на Дачиќ е подобра отколку што беше, но интензивните мерки за лекување и терапијата продолжуваат“, изјави Лончар.
Дачиќ беше итно хоспитализиран минатата среда поради тешка билатерална пневмонија, која бараше итна интервенција на пулмолозите.
