Директорот на Националниот парк Маврово Харис Ибраими дава изјава дека заштитата на националните паркови е заедничка обврска, а пред само два месеца доби кривична пријава за злоупотреба на службената должност за нелегална сеча на техничко дрво-ела токму во НП Маврово. Иако кривичната пријава од СВР Тетово е поднесена на 30 јуни, Ибраими и натаму е директор на НП Маврово пренесува МКД.мк.
Вчера беше објавена информација за средба на директорот на Центарот за управување со кризи Мухамед Али, со директорот на Националниот парк „Маврово“, Харис Ибраими. „Националните паркови во Македонија претставуваат големо природно богатство, а нивната заштита од пожари е заедничка обврска за сите одговорни фактори. Ова лето, како и секоја година, неопходна е максимална посветеност за спречување на појава на пожари на територијата на националните паркови. Раното откривање и брзиот одговор значително го намалуваат ризикот од ширење на пожарите“, беше соопштено по средбата „посветена на заштитата на шумите и природните ресурси
На 30 јуни СВР Тетово поднесе кривична пријава против три лица, меѓу кои и Харис Ибраими (40) од Oпштина Маврово и Ростуше, директор во ЈУ „Национален парк Маврово“, за сторени две кривични дела „злоупотреба на службена положба и овластување“ и „несовесно работење во службата“ на штета на ЈУ „Национален парк Маврово“.
Повеќе на МКД.мк
