Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: Добро утро на сите, освен на пратениците, порачаа работниците од пред Собрание
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > ЕКОНОМИЈА > Добро утро на сите, освен на пратениците, порачаа работниците од пред Собрание
ЕКОНОМИЈА

Добро утро на сите, освен на пратениците, порачаа работниците од пред Собрание

Објавено February 10, 2026 13:31
Сподели
Сподели

„Добро утро на сите, освен на пратениците“. Со оваа порака до народните избраници, претседателот на Сојузот на синдикати на Македонија (ССМ), Слободан Трендафилов го најави почетокот на блокадите на пристапите до паркингот на Собранието. Причината за работничкиот револт е веќе добро познат: ниските плати во државава, поради што ССМ бара минималната плата да биде 600 евра, а сите други да се зголемат за 6.000 денари, колку што би била разликата од сегашната до посакуваната минимална плата.

Од ССМ велат дека со оваа блокада сакаат барем еднаш пратениците да дојдат пеш на работа, како и сите други обични работници и да ги погледаат во очи додека така пешки поминуваат крај нив. Сепак, дел од паркингот пред Собранието беше исполнет со возила, затоа што некои пратеници се паркирале пред 9 часот, кога официјално почнаа блокадите на улиците „11 Октомври“ и „Даме Груев“

Добро утро на сите освен на пратеницте. Зошто, освен на пратенците? Затоа што две години го блокираат предлогот од Созјузот на синдикати на Македонија за зголемување на работничките плати, односно за зголемување на минималната плата и на сите други плати. Ги блокираме да не можат да дојдат на работа со возила, како што тоа секогаш го прават. Да не може да наплатат трошоци за превоз како да трошат керозин. Моите информации се дека станале денес многу рано за да дојдат пред 9 часот, за да не се соочат со работниците на улицата, затоа што одбиваат да ја зголемат работничката плата, а истовремено нивната плата ќе се зголеми не само за 9,2 проценти, колку што рече гувернерот дека се зголемува просечната плата во 2025 година, туку и за 12,6 проценти, затоа што е голема веројатноста Уставниот суд да ја укине Уредбата на претходната влада – рече Трендафилов.

Тој посочи и дека ќе побара со пристап до јавни информации листа на пратеници кои за овој ден земале патни трошоци.

– Ќе побараме да видиме кој ќе се осмели да наплати патни трошоци. Минатата година пратениците наплатија 14 милиони денари за патни трошоци. Некои од нив лани наплатија и по 10.000 евра, а не сакаат да им ја зголемат на работниците минималната плата која е помалку од 24.000 денари – рече Трендафилов.

Тој посочи дека револтира изјавата на пратенците дека доколку би се намалиле нивните плати за 80 проценти, тогаш тие би го земале само законскиот минимум.

– Нè осудуваат дека иницијативата на ССМ за намалување на нивните плати за 80 проценти била неуставна затоа што ќе дошле на минималец, сфатиле колку тешко ќе живеат, па затоа сметаат дека е неуставно да им се намалат нивните високи пратенички плати. Но, прашуваме: Како ако ги намалат за 9 проценти коефициентите ќе биде уставно, а нема да биде уставно да ги намалат за 80 проценти нивните коефициенти и да ја променат нивната основица со минимална плата наместо со сегашната просечна плата – рече Трендафилов.

На протестот присуствуваа и граѓани кои велеа дека не се синдикално организира, но дека дошле затоа што се револтирани од ниските плати.

– Сметам дека ова што сега се случува не е добро. Во објаснувањата кои се даваат веќе никој не верува. Постојат само лажни изговори за да не се зголеми платата – рече една наша сограѓанка.

На протестот присуствуваше и професорот Филип Јовановски од училиштето „Кочо Рацин“ од битолското село Долно Српци.

– Ќе потсетам на една изрека на Кемал Ататурк дека ниту еден пратеник не смее да зема поголема плата од наставник. Затоа дојдов денес тука, да побарам поголема плата за наставниците. Мојата плата како професор, магистер по македонска книжевност е идентична со платата на чистачката во РЕК Битола. Тоа е срамно – рече професорот.

Трендафилов најави дека во четврток протестите, исто со блокада, продолжуваат пред Стопанската комора, а наредниот вторник, кога ќе се одржи седница на Влада, ќе се блокира пристапот пред Владата, за сите, па и премиерот да поминат пешки пред работниците. За ова, како што рече согласно регулативата, потребно е 21 работник за да биде пријавено дека ќе се одржи протест со блокада на улица.

 

 

 

Сподели ја оваа статија
Facebook Whatsapp Whatsapp Email Copy Link
Сподели
Претходна Статија Крогер планира да го постави Грег Форан, поранешен извршен директор на Walmart, за нов генерален директор
Следна Статија Голема победа на Санае Такаичи: Јапонските акции растат по изборите

БИ МОЖЕЛО ДА ВЕ ИНТЕРЕСИРА

ЕКОНОМИЈА

Заврши претресот по Дополнетиот Предлог-буџет за 2025 година

Собранието попладнево на пленарна седница го заврши претресот по дополнетиот Предлог-буџет за 2025 година. Според најавите, седницата треба да продолжи…

December 10, 2024
ЕКОНОМИЈА

Нови правила за одобрување возила

Нов Правилник стапува во сила денеска со којшто се воведуваат новини и европски стандарди за одобрување на типот на возилото,…

September 1, 2025
ЕКОНОМИЈА

Инфраструктурните проекти, тема на разговор меѓу Силјановска Давкова и Николоски

Претседателката Гордана Сиљановска-Давкова се сретна со заменик претседателот на Владата и министер за транспорт, Александар Николоски.Претседателката Сиљановска-Давкова ја поздрави интензивната…

February 21, 2025
ЕКОНОМИЈА

Николоски: Целосно реконструиран Музејот на вода – Заливот на коските од многу големо значење за туризмот во Охрид!

Денес бевме во посета на Музејот на вода – Заливот на коските. Целосно реконструиран овај значаен комплекс кој е од…

July 12, 2025
Trending
contact@trending.mk

© Trending.mk  |  All Rights Reserved.

Импресум
Welcome Back!

Sign in to your account

Username or Email Address
Password

Lost your password?