Откако, по изјавата на американскиот претседател Доналд Трамп, се крена фама во јавноста за последиците од парацетамолот во бременоста, и македонскиот доктор гинеколог Ненад Лазаров се огласи со став.
„Не земајте парацетамол“, повтори Трамп на бремените жени десетина пати за време на неодамншената прес-конференција во Белата куќа покревајчи го прашањето за аутизмот.
Доктор Лазаров кој гласен на бројни теми, преку објава на својот фејсбук профил, порача дека не постои сериозен доказ или студија која директно асоцира парацетамол со аутизам.
– Ич да не му се секирате туку пробајте да ја изуживате бременоста до последен ден. Ми пишаа неколку сериозно загрижени идни мајки по пресот на Доналд Трамп. Научен факт е дека стресот е непријател на здравјето особено на една бременост, а тоа се предизвика со политички мотивирани шпекулации. Ќе повторам, не постои сериозен доказ или студија која директно асоцира парацетамол со аутизам, а има низа такви кои отфрлаат било каква поврзаност! – вели тој во објавата.
– Во медицинската статистика има една премиса, велиме: Association is not causation. Препораката за користење во бременост е секогаш со лекарска консултација, ЗА БИЛО КОЈ ЛЕК или OTC, а за парацетамол конкретно, во минимални ефективни дози и во што пократок рок, И СЕ ЌЕ БИДЕ ВО РЕД.
Наспроти политички мотивирани шпекулации, факт е еден: нетретирана треска/покачена температура и болка може да нанесат серизна штета како на мајката така и на плодот!
Ви стојам на располагање да дообјасниме било што, а се со цел да сте спокојни, порача доктор Лазаров кој секогаш е отворен за совет за пациентките.
