Во Утринската на Канал 5 Телевизија, „Здраво Македонијо“, гостуваше педијатар, субспецијалист неонатолог д-р Мими Кимовска Христова.
Д-р Мими даде многу корисни совети за загадениот воздух, откри како и колку се потребни апаратите за прочистување на воздухот во домовите, а воедно кога да ги користиме и како да постапуваме со апаратите за прочистување на воздухот.
„Да, искрено да ви кажам, во зависност од површината која што ја имате дома, понекогаш ви се потребни два или три прочистувачи. Да, прочистувачите во моментов во Македонија, во Скопје се неопходни. Верувам и во другите градови, бидејќи го има овој, нечист воздух, загаден воздух“, истакнува докторката.
„Потребно е еден час, час и половина да се прочисти воздухот кога ќе отворите врата од балконот или прозорецот. Не може инстант веднаш да се прочисти оној воздух кој влегол од надвор и не може се да се прочисти во воздухот со прочистувачите на воздух. Поради нечистиот воздух страдаат хронично болните луѓе, пациенти страдаат овој период и она предвремено умирање на луѓето во Македонија, а фрапантни се бројките и е жално се она кое што го слушаме и гледаме“, заклучува д-р Мими Кимовска Христова.
