Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: Еден лек недостига на Онкологија, но од ФЗО најавуваат брзо решавање на проблемот
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > ЗДРАВЈЕ > Еден лек недостига на Онкологија, но од ФЗО најавуваат брзо решавање на проблемот
ЗДРАВЈЕ

Еден лек недостига на Онкологија, но од ФЗО најавуваат брзо решавање на проблемот

Објавено April 4, 2026 18:57
Сподели
Сподели

За онколошките пациенти во државава во моментов недостига само еден лек – „палбоциклиб“, терапија која ја примаат 142 од вкупно 7.000 жени со дијагностициран рак на дојка.  Директорот на Фондот за здравствено осигурување (ФЗО), Сашо Клековски, уверува дека лекот наскоро ќе биде повторно достапен и дека проблемот е од административно-планска природа.

На денешната прес-конференција на Клиниката за радиотерапија и онкологија, Клековски појасни дека недостигот настанал бидејќи кон крајот на 2025 година се појавила неочекувано голема потреба. Имено, биле планирани количини за 80 пациенти, но реалната бројка пораснала на 142.

„Кога има значително поголем број пациенти од планираниот број не е едноставно да се одговори на потребите, затоа буџетот за 2026 ќе биде зголемен за 50 проценти за два лека во оваа категорија. Очекуваме за две недели да биде објавен новиот повик за лекови што ќе ги опфати 2026-2027 година“, нагласи Клековски.

Тој додаде дека годинава истекува патентната заштита на овој лек, што значи дека од следната година се очекува значителен пад на неговата цена, а паралелно ќе се воведуваат и нови генерации лекови. Што се однесува до моменталниот недостиг на одредени тумор-маркери на Клиниката, директорот посочи дека пациентите можат да ги направат овие испитувања во другите државни болници и лаборатории каде што ги има.

Ана Марјановиќ, претседателка на Здружението ХЕМА-ОНКО и самата онколошки пациент, изрази големо задоволство од зголемениот опфат со лекови. Според неа, годинава е направен огромен исчекор кој директно спасува животи.

„Најпосле успеваме да отидеме три чекори напред на Балканот. Со зголемувањето на буџетот за оваа година, за одредени лекови 50 проценти од пациентите, за друг вид лекови 75 проценти успеаја да стигнат до имунолошка и биолошка терапија, што е за поздрав… Во однос на достапноста на терапијата сме фронтранери на Балканот“, изјави Марјановиќ.

Таа смета дека повремените недостатоци на поединечни лекови се неизбежни бидејќи е тешко однапред прецизно да се предвиди бројот на нови пациенти. Како долгорочно решение, таа предлага овие скапи терапии да се стават на позитивната листа, иако тоа би значело одредена партиципација, и повика на итна децентрализација на онколошките оддели низ болниците во државата.

Сподели ја оваа статија
Facebook Whatsapp Whatsapp Email Copy Link
Сподели
Претходна Статија Трамп планира да отпушти повеќе луѓе од својот кабинет
Следна Статија Фицо и Орбан бараат ЕУ да ги укине санкциите за руската нафта и гас за да се надмине кризата

БИ МОЖЕЛО ДА ВЕ ИНТЕРЕСИРА

ЗДРАВЈЕ

Научници открија „хемиски коктел“ против стареење на мозокот

Научници соопштија дека откриле „хемиски коктел“ кој може да ги забави промените поврзани со стареењето на мозокот и да ги…

September 1, 2025
ЗДРАВЈЕ

Зошто после јадењето никогаш не треба да се туширате со топла вода?

Иако може да изгледа како пријатен начин за опуштање, туширањето со топол туш веднаш по оброкот може негативно да влијае…

November 21, 2024
ЗДРАВЈЕ

Мицкоски: Кога светски експерт како Кедев кажува нешто, мора да има позадина и одговорност ќе има

Моето мислење за академик Кедев и неговите констатации е врвна индикација за да се преземе веднаш нешто, да се открие…

September 26, 2025
ЗДРАВЈЕ

Истрага на ББС: Сперма со генетски ризик за рак користена во Македонија и Србија, зачнати 197 деца

Сперма од донатор со ген што предизвикува рак била искористена за да се родат речиси 200 деца, објавија денес британските…

December 10, 2025
Trending
contact@trending.mk

© Trending.mk  |  All Rights Reserved.

Импресум
Welcome Back!

Sign in to your account

Username or Email Address
Password

Lost your password?