Роберт Божинов, еден од повредените во страшниот пожар во дискотеката „Пулс“ во Кочани, пред камерата на „Супорт Кочани“ раскажа што се случувало таа кобна ноќ.
„Сè се случи многу брзо, за кратко време се прошири пожарот, јас не успеав да излезам и останав заглавен во дискотеката, но благодарение на брзата интервенција на пожарникарите, еден од нив ме извлече и ме упатија во општата болница Кочани“, вели Божинов.
Од болницата во Кочани тој бил префрлен во скопската болница „8-ми септември“, од каде пак заминал во Шведска.
Тој се заблагодари на медицинските тимови на трите болници за кои вели дека го спасиле и му помогнале да застане на нозе, но и на сите други добри луѓе кои помогнале во оваа трагедија.
Како што вели, него му помогнал пожарникар кој го извлекол и го упатил во Општата болница во Кочани, од каде го префрлиле во скопската болница „8-ми септември“, од каде пак заминал во Шведска.
