Поранешниот градоначалник на Општина Центар, Андреј Жерновски преку својот фејсбук профил сподели статус во кој се пофали за поставувањето на познатото светло „ламба“ во центарот на Скопје во близина на Рекорд, односно на италијанската амбасада.
„Нарачаа моиве хамбургер, нормално ме пратија мене. И додека чекам, си седнав тука. Кога го направивме ова катче во 2014-та, кооолкууу само се нервираа оние со стиропорот. Беше нешто сосема спротивно од нивниот барок. Беше модерно, убаво, урбано. И уште е“, искоментира Жерновски.
Сепак, на многумина од граѓаните оваа негова објава не им беше баш „симпатична“.
Еден револтиран граѓанин од загаденоста на градот и слабото справување со овој проблем напиша: „Дали Вие и тие со стиропорот знаете што се pm10 i pm2.5 честичките во воздухот? И Вие и тие што ве пратиле по хамбургер ги дишете истите, а се натпреварувате што сте направиле со наши пари. Само ние сме глупи, не вие!“
Друг граѓанин на кого ваквата објава му била веројатно цинична напиша „Целиот ваш мандат да се сведе на една ламба, секоја чест“.
