Македонската фудбалска репрезентација денеска отпатува за Даблин, каде во вторник ќе одигра пријателски дуел против репрезентацијата на Република Ирска. Поразот во баражот во Данска сè уште е болна тема за македонските фудбалери.
Данска покажа дека е квалитетен ривал. По примениот гол имавме неочекуван пад и сега мора да се фокусираме и тоа да го отстраниме. Ни претстои дуелот со Република Ирска – пријателски натпревар нема. Треба да покажеме добра игра и дека ја заборавивме Данска. Важно е добро да одиграме и заради квалификациите кои ни претстојат, изјави Ѓоко Зајков.
Натпреварот против Република Ирска македонските фудбалери го играат во Даблин на 31. март со почеток во 20:45 часот.
