СДСМ продолжува со реториката на повторување на тезите, мислејќи 100 пати повторената лага ќе стане 100% вистина. Овој концепт е начинот на кој функционира оваа партија повеќе од 10 години и резултатот од таквите политики се видливи денеска, руинирана, без идеја, идеологија, партија заглавена во калта на минатото, велат од ЗНАМ.
„Како што би рекол нивниот градоначалник од Струмица: “Заглавени се во замка на безидејност, политички кукавичлук и целосно отсуство на визија за тоа што треба да биде современа социјалдемократија – по вертикала и по хоризонтала. Практично, со ваков начин на одлучување и со таков партиски рефлекс, СДСМ не е пред егзистенцијална криза туку е веќе длабоко заглавена во неа. И не само егзистенцијална туку и лидерска, идеолошка, и политичка…”
СДСМ може напразно да обвинува за било што, но во овој случај формално-правно работите се многу јасни, Јавното обвинителство донесе одлука да се повлече обвинението против градоначалникот на Општина Куманово, Максим Димитриевски затоа што нема основа и докази за кривична одговорност за злоупотреба на службената положба.
СДСМ се во длабока криза и прашање е нивниот опстанок после локалните избори. Најголемата опасност ја гледаат во Движењето ЗНАМ за наша Македонија затоа што вистинските социјалдемократи, со чест и углед се’ помасовно се приклучуваат на ЗНАМ, впрочем резултатите ќе се видат на следните локални избори. Нашите политики се позитивни во интерес на граѓаните, проекти за инвестиции, напредок и развој на општините во Македонија, и тоа го докажуваме со нашата работа на терен заедно со граѓаните, преку нашата втора кампања “Со срце за нашата општина “, стои во соопштението на ЗНАМ.
