Швајцарскиот национален завод за статистика објави дека инфлацијата во оваа земја минатиот месец била 0 проценти, што е за 0,3 проценти помалку отколку во март.
Стапката на инфлација се намали во хотелите и другите сместувачки капацитети, додека цените на облеката и зеленчукот се зголемија. Покрај тоа, базичната стапка на инфлација, која ги исклучува свежата и сезонската храна и енергија, е пониска за 0,6 проценти. Економистите сметаат дека забавувањето на инфлацијата е предизвикано од увозот, особено од енергетскиот. Покрај тоа, швајцарскиот франк зајакна во однос на сите главни валути во текот на април, бидејќи царините и фискалната политика во Соединетите Американски Држави придонесоа франкот да стане безбедно засолниште за инвеститорите. Швајцарија историски има ниска стапка на инфлација. Швајцарската национална банка (SNB), која е централна банка, очекува просечната стапка на инфлација оваа година да биде само 0,4 проценти. Во Швајцарија веројатно ќе се случи дефлација, што ќе ја принуди ШНБ да ги намали каматните стапки на 0 проценти, објавува swissinfo.
