Сите 133 кардинали кои ја сочинуваат конклавата се вратија во Сикстинската капела откако заминаа на пауза за ручек по утринските гласања.
Тие попладнево би можеле да гласаат уште двапати, еднаш во 17:30 часот и, доколку не се постигне консензус, повторно во 19:00 часот.
За нов папа е потребно двотретинско мнозинство, што во овој конклава изнесува 89 гласа, а тоа може да потрае. Просечното времетраење на последните неколку конклави беше три дена и седум гласања.
Доколку денеска не биде избран нов папа, утре ќе има уште четири гласања најмногу.
Секој кардинал го дава својот глас на едноставна картичка на која на латински пишува: „Го избирам за Врховен Понтиф“ (Eligo in Summum Pontificem) на која го додаваат името на својот избран кандидат.
Тие одат во линија, по редослед на стаж, и ги ставаат своите картички во големата сребрена и позлатена урна.
