Во најавената реконструкција на Владата на премиерот Христијан Мицкоски, ВМРО-ДПМНЕ ќе ги земе ресорите Здравство и Социјална политика, труд и млади, пренесува Плусинфо.
Директорот на Фондот за здравствено осигурување Сашо Клековски ќе биде новиот министер за здравство. Неговото место на чело на ФЗО ќе го заземе актуелниот министер за локална самоуправа Златко Перински, а со Министереството за локална самоуправа ќе раководи досегашниот вицепремиер и министер за односи меѓу заедниците, Иван Стоиљковиќ. Со Министерството за односи меѓу заедниците ќе раководи човек од Вреди.
Во најавената реконструкција на Владата на премиерот Христијан Мицкоски, ВМРО-ДПМНЕ ќе ги земе ресорите Здравство и Социјална политика, труд и млади.
Кадри од Вреди ќе станат министри во Министерството за правда, од каде ќе замине Игор Филков од ЗНАМ, во Министерството за односи меѓу заедниците и во Министерството за култура и туризам, од каде ќе замине Зоран Љутков од ВМРО-ДПМНЕ.
Партијата ЗНАМ ќе го добие Министерството за земјоделство, водостопанство и шумарство, кое досега го раководеше Цветан Трипуновски од ВМРО-ДПМНЕ.
Министерско место без ресор се очекува да добие Демократската партија на Турците, а Шабан Салиу веќе нема да биде министер без ресор задолжен за интеграција и имплементација на Стратегијата за инклузија на Ромите 2022-2030.
На чело на Министерството за социјална политика, демографија и млади ќе застане актуелниот заменик во овој ресор, Ѓоко Велковски на местото на Фатмир Лимани од Вреди.
Според информациите, со Министерството за правда ќе раководи универзитетскиот професор Јетон Шасивари, а со Министерството за култура Седат Сулејмани, кој досега ја извршуваше функцијата заменик-министер. Беким Сали останува министер за европски прашања.
На чело на Министерството за земјоделство ќе биде Борче Серафимовски од ЗНАМ, кој е актуелен државен секретар министерството.
Формализирање на политичкиот договор на лидерите се очекува прво преку одлуки на надлежните партиски тела. Потоа ќе биде доставен предлогот од премиерот до Собранието.
ВМРО-ДПМНЕ вечерва ќе одржи седница на Извршниот комитет.
