МВР завчера во акцијата наречена „Бункер“ спроведе акција поврзана со апсење на членови на криминалната група “Беланоца-Барон“ повразни со убиството на водачот на кланот Грчец-Дуќанџик Орхан Бајрами-Оки во Грција.
„Република“ ви ги претставува кои се членовите на овие две групи зад кои стојат бројни убиства во Скопје но и во регионот.
Беланоца, Барон, Дуќанџик и Грчец во минатото оперираа одделно но пред неколку годни се споија во две групи и практично си ги поделија „бизнисите“. Главни сектори со кои се занимаваат овие кланови се нарачани убиства, дрога и оружје.
Еден од водачите на нарко групата „Барон“ е Бедри Зекири кој беше помилуван од страна на поранешниот претседател Стево Пендаровски.
Кланот Беланоца-Барон беше сериозно разнишан откако кај скопско Блаце беше убиен Зелкиф Туша. Зелкиф пак е татко на Ганиф пак кој е осомничен дека во Грција го убил Оки.
Од Беланоца/Баро засега во Шутка се Шенаси Мислани познат како Шенки Версаче, брат му Мирвет Мислани, како и Абдула Садики и Акиф Мемиши. Неофицијален капо ди тути капи на Беланоца/Барон е Фатљум Ајети – Тоте.
