Светската фудбалска мегаѕвезда Кристијано Роналдо е заинтересиран за купување на еден од најуспешните шпански фудбалски клубови – Валенсија. Веста ја пренесоа медиумите во најголемата пиринејска земја.
Во моментов „лилјаците“ се во сопственост на добриот пријател на Португалецот – Питер Лим. Цената на Валенсија моментално се движи меѓу 400 милиони и 1 милијарда евра.
За купување акции во шпанскиот тим е заинтересирано и кралското семејство во Саудиска Арабија.
Лим сака да го продаде мнозинскиот пакет уште оваа сезона.
