Државниот санитарен и здравствен инспекторат (ДСЗИ) итно ја затвори кујната во ОУ „Димо Хаџи Димов“ во Влае, откако голем број ученици се пожалија на стомачни тегоби.
Директорот на ДСЗИ, Кирил Лазов, потврди дека е издадено решение за забрана за работа на кујната како потенцијален извор на зараза. Наредено е вонредно чистење, дезинфекција, дезинсекција и дератизација, како и вонредни здравствени прегледи за вработените.
80 деца се отсутни, некои и хоспитализирани.
Иако официјално до здравствените власти има пријави за 9 деца, од настава отсуствувале околу 80 ученици, а според информациите, неколку дечиња се хоспитализирани поради дехидрираност. Директорката на ИЈЗ, Марија Андоновска, најави дека првичните резултати од земените мостри (храна, вода, брисеви од површини и вработени) ќе бидат познати во текот на денешниот ден
