Луј Витон ова лето претстави нешто сосема ново – својот прв киоск со сладолед, сместен во познатото тосканско одморалиште Форте деи Марми.
Овој сезонски киоск се наоѓа веднаш пред бутикот Луј Витон на Виа Кардучи и е отворен секојдневно од јуни до септември, од 10 до 22 часот.
Киоскот е украсен во зелени тонови – нијанса што е вообичаена во овој дел од Италија и која суптилно се вклопува во локалниот амбиент.
Препознатливите монограми на Луј Витон се истакнати, додека маскотата на брендот Вивиен е присутна во дизајнот, вклучувајќи го и просторот пред самиот киоск.
Посетителите можат да уживаат во сладолед послужен во персонализирани чаши и на салфетки со потпис на брендот, а посебно внимание се посветува на самиот изглед на сладоледот, кој доаѓа во декоративна форма.
Понудата вклучува десет класични вкусови на сладолед приготвени од локални состојки, како и две оригинални креации на брендот.
Gelato Vivienne е направен од португалско млеко со додавање на мандарина, додека Gaston е инспириран од традиционалниот тоскански десерт цукота – комбинација од пандишпан, темно чоколадо и крцкави додатоци.
За производство на сладолед, Louis Vuitton соработува со реномираната тосканска слаткарница Galliano, што гарантира врвен квалитет и автентичен вкус.
Доколку планирате посета на Италија ова лето, Forte dei Marmi е новата локација што мора да ја посетат сите што сакаат да го комбинираат уживањето во сладоледот со допир на луксуз.
Киоскот за сладолед на Louis Vuitton е отворен во текот на целото лето и нуди необичен начин да го доближи глобалниот моден бренд до секојдневните летни задоволства.
