Венецуелскиот претседател Николас Мадуро од притвор во САД им порачал на своите поддржувачи дека „се справува добро“, изјави неговиот син Николас Мадуро Гера.
„Се справуваме добро. Ние сме борци“, порачал Мадуро за себе и за сопругата Силија Флорес од ќелијата во САД, пренесе неговиот син.
Според истиот извор, венецуелскиот претседател им порачал на своите адвокати „да не тагуваат“. Мадуро беше приведен и префрлен во САД за време на американската воена операција во Каракас на 3 јануари.
Мадуро и првата дама во понеделникот за првпат се појавија пред суд во Менхетен, Њујорк, каде што се изјаснија дека не се виновни по обвиненијата за нарко-тероризам и трговија со кокаин.
Изјавите на претседателот неговиот син ги пренел за време на состанок на владејачката Обединета социјалистичка партија на Венецуела.
