Според Светската здравствена организација, речиси секој трет македонски граѓанин е потежок од нормалното.
Со 30,65 проценти жители со тежина над нормалната, Македонија е на десетто место во Европа, покажуваат податоците на Светската здравствена организација.
Неславен шампион на стариот континент во овој поглед е Романија со 38,24 отсто, втора е Хрватска со 36,65 отсто, а трета Унгарија со 36,40 отсто.
Полошо од Македонија стојат уште Турција со 34,26 отсто, Грција со 33,68 отсто, Полска со 31,41 отсто, Чешка со 31,30 отсто, Литванија со 31,14 отсто и Ирска со 30,84 отсто.
Од земјите во регионот Албанија има 26,58 проценти дебели луѓе, Србија 26,05 отсто, Босна и Херцеговина 25,47 отсто, Бугарија 24,25 отсто, Словенија 22,2 отсто…
Најмалку натпросечно тешки граѓани во Европа има Франција – 10,92 проценти, потоа Швајцарија – 13,74 отсто, Данска – 14,3 отсто итн.
