Лина Ѓорческа продолжува да го потврдува статусот на најдобра македонска тенисерка! Денеска претпладне таа го освои фјучрсот во Куршумлијска Бања, Србија, откако во финалето славеше со 2:1 во сетови против силната противничка од Грција, Матоула.
Мечот траеше повеќе од два часа и беше вистинска драма на теренот. Првиот сет мина во знакот на Гркинката, која успеа да го добие со убедливи 6:2. Но тоа само ја разбуди борбеноста на Ѓорческа, која во вториот сет доминираше целосно – не и дозволи ниту еден гем на противничката и го освои со 6:0!
Во решавачкиот трет сет, Лина продолжи со цврста игра и иако Матоула се обиде да се врати, Ѓорческа беше поцврста во клучните моменти и со 6:4 го запечати својот триумф
Оваа победа е нова потврда за квалитетот, истрајноста и менталната сила на Ѓорческа, која со оваа титула се искачува чекор погоре на патот кон поголемите тениски турнири.
