„Секој оној којшто го прекршил законот ќе одговара пред пред законот и тука не треба да има дилема како што впрочем видовте во првите три дена опфатени се 34 лица, а од тоа што сум информиран акцијата на Министерството за внатрешни работи продолжува и понатаму.
Така што граѓаните треба да бидат спокојни, правдата доаѓа. За разлика од принципот како досега, овој пат правдата доаѓа и правдата ќе се ќе се случи без разлика дали лицето е дел од некоја политичка структура или не е дел од некоја политичка структура“, изјави премиерот Христијан Мицкоски на прашање околу истрагата за трагедијата во Кочани.
Тој рече дека и натаму се прават проверки на фирми во Кочани, и дека може да биде проширена листата на осомничени.
Во однос на реакциите од ДУИ дека правдата се заснова на етничка основа, Мицкоски рече:
„Жалам што ДУИ не излезе од онаа матрица која ја гледаме на политичката сцена повеќе од 22 дена, и наместо да изрази сочувство, и да се вклучи во истрагата и да помогне, тие се обидоа да го политизираат и етницизираат случајот. Може да кажам да им служи на чест, а ние како влада ќе се бориме против девијатното однесување. Ќе претресеме се и ќе извадиме се за да видат граѓаните што се случувало. Барем едно извинување ДУИ требаше да им дадат на граѓаните, и навистина сум разочаран од нивното однесување“, изјави Мицкоски.
